Social Items

‏إظهار الرسائل ذات التسميات English. إظهار كافة الرسائل
‏إظهار الرسائل ذات التسميات English. إظهار كافة الرسائل

السلام عليكم ورحمة الله واهلا بزوارنا الكرام في مدونتنا المتواضعة "iti بالعربي"  وموضوعنا النهاردة عن أحد امتحانات المعهد المهمة جدا وهو امتحان الانجلش وزي مااتفقنا في مواضيع سابقة ان أول امتحانين في المنحة هما:-



  1. IQ  "الذكاء العالمي"
  2. امتحان الانجلش "وده موضوعنا النهاردة"
وفي موضوع النهاردة هنتعرف علي العناصر التالية:-
  • اروح الامتحان ده لابس فورمال ولا عادي؟؟؟
  •  ايه أجواء امتحان الانجلش ؟؟؟
  • الامتحان ده بنمتحنه ازاي وعلي ايه وشكله ايه ؟؟؟
  • ايه المستوي المطلوب في الانجلش  ؟؟؟
  • ايه الملفات اللي اذاكر منها ؟؟؟
ونبدأ علي بركة الله في سرد كل تلك العناصر :-

لكن في البداية وانت بتحضر لإمتحان الإنجلش في حاجات مهمة جدا احذر منها عشان ماتقعش في فخ المنحة والحاجات دي هتلاقيها في الفيديو التالي:-



أولا : تروح الامتحان فورمال ولا عادي:-


ببساطة زي مااتفقنا قبل كده ان اول يوم امتحان في المعهد واللي هيكون فيه امتحان ال IQ و الانجلش ده هتروحه عادي كاجوال ويوم الانترفيو الاخير اللي هتمتحن فيه تكنكال وسوفت سكيلز ده هتحضره فورمال محبب فيه تلبس بدلة وتروح الامتحان ده معاك ورقة تجرب فيها وقلم واهم شئ البطاااااااقة

ثانيا: ايه أجواء امتحان الانجلش ؟؟؟

الامتحان ده أول ماتدخل من الباب هتشوف اسمك في الكشف في قاعة كام والامتحان ده هيكون علي أجهزة كمبيوتر هتبتدي تقعد علي جهازك وتسجل دخولك للامتحان هتلاقي قدام نافذة log in


وهيبقي في واحد من المعهد بيوجهك ويساعدك ولكن ركز في الخطوة دي: -
user name : الخانة دي هتختار منها اسمك اللي سجلت بيه في موقع المعهد
password  : هتكتب فيه الرقم القومي اللي في البطاقة
بعد ماتسجل هتلاقي زر start لبدء الامتحان
مش هتضغط عليه الا بعد مايأذنلك المراقب بعد إعطاء النصايح هيقولك ابدأ هتبدأ عل بركة الله هيفتحلك امتحان IQ وبعده هيفتح امتحان الانجلش علطول .

ثالثا : الامتحان ده بتمتحنه ازاي وشكله ايه ؟؟؟

اتفقنا علي كمبيوتر وبالنسبة لواجهة الامتحان نفسه بص علي الرسم التخيلي ده قريب من شكل الامتحان


الصورة فوق بتوضح أقرب شكل لامتحان IQ والانجلش وهنبدأ نشرحها جزء جزء

  1. أيقونة mark : دي بتضغط عليها لو قابلك سؤال صعب تضغط عليها هيتحفظ بالقايمة الجانبية زي ماهو موضح بالشكل وتقدر ترجعله وتحله في الاخر براحتك
  2. أيقونة الاسهم : دي للذهاب الي السؤال التالي والسابق
  3. أيقونة Finish : ركز أوي هنا بقا !! الايقونة دي اوعي تضغط عليها الا بعد ماتخلص الامتحان بتاعك وتراجعه تضغط عليها وتقفل الامتحان خالص 
رابعا: ايه المستوي المطلوب في الانجلش ؟؟؟

امتحان الانجلش في iti سهل جدا معظمه جرامر ثانوي ممكن يكون مستوي متوسط ولكن خد بالك الامتحان أحيانا بيجي بعض المصطلحات الصعبة اللي عاوزة تركيز جامد والسؤال اللي ياخد فترة طويلة تسيبه للأخر فمطلوب منك تذاكر جرامر كويس أوي 

خامسا : ايه الماتريال اللي أذاكر منها لإمتحان الانجلش؟؟

بالنسبة للماتريال اللي هتذاكر منها امتحان الإنجلش فهي عبارة عن كتب تذاكر منها جرامر إنجلش  والقائمة مرتبة حسب الأفضل :-



  1. تحميل كتاب بيسان : اضغط هنا
  2. تحميل كتاب English Grammar :اضغط هنا
  3. تحميل أقوي 20 ورقة لتبسيط قواعد الإنجلش :اضغط هنا
  4. تحميل ملف إنجلش باور بوينت : اضغط هنا
  5. تحميل كتاب جرامر الإنجلش : اضغط هنا
  6. تحميل ملف English Grammar : اضغط هنا
  7. تحميل مجموعة قطع إنجلش : اضغط هنا
  8. تحميل مفردات توفل جديدة :   اضغط هنا
والبرنامج الاخير ده يعيشك جو امتحان IQ,English : للتحميل اضغط هنا
    بعد ماتذاكر ملفات الإنجلش دي هتروح موقع English store وتتدرب منه كويس جدا من هنا





    ازاي تستعد لإختبار الانجلش الخاص بمعهد ال iti ؟؟؟